Kolor sen maderili sifa kos eletri-magnetoli moja. Misal de kolor sen blue, pinku, bruno, jalo, syahe, sefide, ji hwese. Eger xafe barix hay brila, ren abil na oko in asman grupo fe kolor namedo kolorarko.

Okoible lumin

Eletrili ji magnetoli radya produti possim forma of okoible lumin espetrum, xorfe carecen finfe sabecen nanometro fe mojali lungoje or xorfe carecen tigades finfe sabecen limades teraherzi fe mojali pimpanya. Cuyo (or unyum) kolor fol fisikalogi sen rosoya, kijawiya, ji blueya. Insanli oko hare gumboli celul cel na meter sefideje ji konusli celul cel na meter cuyo kolorje.

Kolor Lungoje Moja Pimpanja Moja
roso 700-635 nm 430-480 nm THz
orange 653-590 nm 480–510 THz
jalo 590-560 nm 510–540 THz
kijawi 60-520 nm 540–580 THz
cyan 520-490 nm 580–610 THz
blue 490-450 nm 610–670 THz
vyoleta 450–400 nm 670-750 THz

Celpentu kolor

Cuyo (or unyum) kolor cel na pentu sen blueya, jaloya, ji rosoya. Duayum kolor bekrea cuyo kolor: blueya ton jaloya sen kijawiya, blueya ton rosoya sen purpuroya, ji jaloya ton rosoya sen orangeya. Samamaner, tigayum kolor bekrea duayum kolor: kijawiya ton purpuroya sen semiblue hweseya, kijawiya ton orangeya sen limukolor, ji purpuroya ton orangeya sen kermeskolor. Pia careyum kolor bekrea tigayum kolor: semiblue hweseya ton limukolor sen zeytunikolor, semiblue hweseya ton kermeskolor sen lavendakolor, ji limukolor ton kermeskolor sen prumukolor.