Bija

Bija sen bage de bijaplanta hu da abil na xunjan cel neo planta. To sen riprodutili estrutur hu da bedisgi, ji abil na ultrajiwa dur banwatu. Tipoli bija inhare tiga basili mon: (1) janin, (2) gongin fe engyan tas janin, ji (3) kexru.

Hay multi tipo fe bija. Ban planta fale multi bija, banoto fale sol xosu oto. Bija pimpan sen sahte ji lil, mas banoto sen maxmo day. Koko abil na sen denmo day kom kapi de nini, mas to inhare no sol bija. Fe xoru, bija sen "somnone" dum watu. Denwatu hu bija sen jumbi na xoru na xunjan, to haja sui, hawa, ji termo cel na sencu juniplanta.