Celul

Multi celul. Moyun purpuro dayra sen un celul. Hin celul sen kolordo.

Insanli damu-celul in damu in damutubo.

Bateri sen bioyen har sol un celul.

Celul sen basili forma de bio. Moy bioyen hare un or plu celul. Celul hare perya ji to inhare likwido. Celul hare plu celulmon cel na fale doyan funsyon denpul kom na harkacu, na nafasu, na bujo energi or na duacu.

Muhim celulmon sen nukleus. In nukleus, genili kodi behifazi. Genili kodi hare informe cel na produti protein in celulli likwido. Protein hare doyan funsyon.

In celulli likwido, hay pia doyan sukeri ji ciboli molekul. Oto cuyo beyongu celul cel energi.

In plucelulli bioyen, celul sen maxmo espesyalgido. Fe misal, damu-celul no hare nukleus, ji tosu cuyo cele sen na trasporta oksigen in jismu (totalya fe moy jojiki).

Bannumer celul organisa se fe jojiki (celullari) cel na abil na fale maxmo posjandan aksyon, denpul kom na harka jismu fal adola (adolali celullari).