Cungwo

From Globasawiki
Cungwo
中华人民共和国
Flag of China.svg
Bandera
National Emblem of the People's Republic of China (2).svg
Dalutul
CHN orthographic.svg

Cungwo, or Demoli Jumhuri Cungwo fol resmi name (cungwosa: 中华人民共和国, Pinyin: Zhōnghuá Rénmín Gònghéguó, [tʂʊŋ˥xua˧˥ʐɛn˧˥mɪn˧˥kʊŋ˥˩xə˧˥kuɔ˧˥]), sen dexa in donguli Asia. To sen tigayum day dexa ji dexa har maxim day demoje.

Geografi

Peryaje de Cungwo sen 9 596 960 km². Sui koberi 270 550 km² of hinto. Kosta sen lungo fe 14 500 km. Wey Cungwo hay 14 jali dexa. Fol hoyo de satumeter hay Vyetnam (1297 km fe dexabyen), Law (475 km), ji Myanma (2129 km) in sude. In sudeli garebi hay Barati (2659 km fe totalya), Druki (477 km), ripul Barati, Nepal (1389 km) ji ripul Barati. In garebi hay Paki (438 km), Afgani (91 km), Tojiki (477 km), Kirgizi (1063 km) ji Kazaki (1765 km). In utara hay Rusi (46 km), Mongoli (4630 km) ji ripul Rusi (4133 km). In utarali dongu hay Utarahangu (1352 km).

In dongu ji sudeli dongu hay bahari. Xanxwi ji klima sen doyan. In sudeli garebi ji in garebi hay plu gao jaballari. Un to of oto sen Himalaya. Jabal Everest/Comolangma sen maxim gao loka in Cungwo ji pia per Dunya. Xanxwi in garebi de Cungwo sen jabalpul. Utara ji garebili utara sen maxim suhe loka de dexa. Suhegeo Gobi loka fe dexabyen de Cungwo ji Mongoli. Hay dua lungo nahir. Cháng Jiāng (trasbasa: Lungo nahir) sen tigayum maxim lungo to de globa fe daju 6 300 km. Alo day nahir sen Huáng Hé (Jalo nahir).

Panda sen hewan hu da ogar sol in Cungwo.

Demo

Demoje sen 1.4 giga (dajuya fe 2020). Ogartim maxori ogar in sudeli dongu. 60% of ogartim ogar in xaher.

Politi

Un solo taraftim krasi dexa xorfe 1949. To name Komunismoli Taraftim de Cungwo. Lefe 1949, Jumhuri Cungwo krasi hin teritori.

Insanli Haki

Organisatim kom Amnesty International or Human Rights Watch loga ki krasitim bawlu insanli haki. Krasitim infragi etnotim of garebili Cungwo. Bannumer insan bexikenje dur poshuruya.[1][2]

Ofatalari

  • China The World Factbook - Central Intelligence Agency (in Englisa) fe 3 de mesi 2, 2021
  1. Human rights in China amnesty.org (englisa) fe 3 de mesi 2, 2021
  2. World Report 2020: China hrw.org (englisa) fe 3 de mesi 2, 2021


Dexa in Asia
AfganiAzerbayjanBahraynBangladexaBaratiBrunayCungwoDivehiDongutimorDrukiEsrilankaHayaImaratiIndonesiIrakiIranIsraelKampuciKatarKazakiKirgiziKiprosKuweytiLawLubanonMalaysiMasriMongoliMyanmaNepalNiponOmanOzbekiPakiPalestinPilipinaRusiSakartweloSawdiSingapuraSudehanguSuriTayTojikiTurkiTurkmeniUrdunUtarahanguVyetnamYemen