Cungwoli harufi
Cungwoli basa hare multi kilo hanzi or eskrimon hu basa fe donguli ji dongu-sudeli Asia yongu da. Hangusa ji Vyetnamsa no haji yongu hanzi (namedo 한자 hanja ji chữ Hán cuhan), mas Niponsa dure na eskri tosu kanji. Cungwosa hare max kom 85 000 harufi, fol menalari Zhonghua Zihai (中華字海)[1]. In cuyogeoli Cungwo, Singapura, ji Malaysi multi hanzi sen jandangido. In Taywan, Honggong, ji Oumun cwentonli hanzi beyongu.
Klase
Imajegrafi (象形字 xiàngxíngzì) rasamu maderili xey, fe misal 日 rì kom Sola, 月 yuè kom Luna, or 木 mù kom drevo. Juido ideygrafi (指事字 zhǐshìzì) rasamu astrato conceto, fe misal 上 shàng ji 下 xià kom "cel super" ji "cel infer", or 凸 tū 凹 āo ji 平 píng kom exkuhan, inkuhan, ji pangu. Uncudo ideygrafi (會意字 huìyìzì) tongi harufi na krea mena: fe misal, 明 míng inhare dua luminpul asmanxey 日 ji 月, fe folo mena sen "luminpul". Fono-kardugrafi (假借字 jiǎjièzì) yongu harufi fol soti, fe misal 可樂 kělè kom kola, mas folleximo hinto mena "abil hox". Uncudo fono-menagrafi (形聲字 xíngshēngzì) sen supremmo multi: harufi hare menamon ji fonomon.
Lista
| Hanzi | Pinyin | Basatayti |
|---|---|---|
| 的 | de | su |
| 一 | yī | un |
| 是 | shì | sen |
| 不 | bù | no |
| 了 | le | le |
| 在 | zài | fe |
| 人 | rén | insan |
| 有 | yǒu | hare |
| 我 | wǒ | mi |
| 他 | tā | te |