Intrenasyonli Fonoli Abece
Intrenasyonli Fonoli Abece (IFA) is sistem cel na eskri fono. To le bekrei fal Intrenasyonli Fonoli Asosyatim fe 1886, celki insan ger abil na eskri fono de plu basa fe un regulapul maner. Basalogiyen, basali alimyen, ji trasbasayen yongo hin sistem cel na onexa lafuzu de lexi.
Histori
Fe nyan 1886, grupo fe Franseli ji Britili basali alimyen le krei Intrenasyonli Fonoli Asosyatim. Hin alimyen unyum yongo "Romali abece". Xafe to, te alogi abece celki moy alo basa ger abil na eskri sama fono har sama harufi.
Harufi
Intrenasyonli Fonoli Abece hare harufi cel na wakil tiga tipo fe fono: fefuli konsonan, nenfefuli konsonan, ji mwin.
Fefuli konsonan
Fefuli konsonan belafuzu har na bloku ki hawa excu fefu. Maxori konsonan (ji moy konsonan fe Globasa) is fefuli.
Nenfefuli konsonan
Nenfefuli konsonan belafuzu wal hawa ex fefu. Hay tiga tipo fe nenfefuli konsonan.
Mwin
Mwin is fono hu da okur fe midi de leximon.