Koncun
Koncun sen klase fe in xube Artropeda. Ete sen sisageboli rukeostokalyen hu da hare sahte exeskeleto.
Koncun sen maxim day grupo fe hewan in Dunya: daju 926,400 alo jongu sen tosifudo. Ete sen max kom un ofdua fe moy jiwane jongu, ji ete ible sen max kom 90% fe hewanli jongu in Dunya.
Moy baligu koncun hare sisa gebo; ji maxori te hare fleytul. Koncun le sen unyum fleyabil hewan. Durki ete xunjan of ovo, koncun aloforma. Koncun ogar tras total globa: kriban moyete sen geoli. Xosu koncun ogar in bahari or daymo bardi loka, denpul kom Antartika. Maxori jongu ogar in netayli zona.
Jismu
Koncun hare exeskeleto. Etesu esksleto monhare dambo, sahte bage, depul kom zirehe, fe kitina. Tongo, hin bage monkrea sahte cengu wey koncun su jismu.
Jismu de koncun hare tiga cuyo bage: kapi, cati, ji fubu. Per kapi hay koncun su tongioko, dua cugaku, ji munte.
Per cati, koncun hare fleytul ji gebo. Moy koncun hare sisa gebo (tiga duaxey fe artropul gebo) ji pimpan care fleytul (dua duaxey).
In fubu hay mida, tutum, ji exgili sistema. Beze hare pia kantaka fe ruke de fubu.
Fisyo
Depul kom insan su adola, hu da toncu ton osto cel na iblegi harka, adola de koncun toncu ton exeskeleto cel na abilgi te na harke. Fe hataya, etesu adola sen fe inya de eskeleto.
Koncun sen damubardili; dento mena ki ete no abil na krasi termo de sesu jismu. Fe folo, koncun no bon abil na ultrajiwa in bardi. Dur bardimosem, multi koncun xoru lungo watumon fe amiku somno. Bannumer konun, fe misal, karoca, no abil na xoru hinpul somno, fe folo ete morcu eger termo sen godomo bardpul. Hinseba, karoca beewreka in baytu de insan.
Tipo fe koncun
Hay daju 29 ordenu fe koncun. Maxim day ordenu sen listado fe baxya: