Kroa

Kroa sen membro fe day grupo fe hewan. Kroa sen duabioyen hu da no hare koda. Kroa ogar iji in sui ji per geo. Kroa su pifu sen gile. Maxori kroa sen masoyamyen.

Jismulogi

Umumi, kroa-su kapi ji fubu figura day bol. Kroa hare dua day oko ji day munte. Kroa filya na nigalu xikarxey yon sol un yao. Pimpan, kroa yongu xeto cel na bujo xikarxey. Kroa hare care bala tui. Kroa pimpan harkacu yon tyao. Kroa abil na yongu sesu tui cel na velosi awtyao fe kaso fe hatari.

Multi kroa hare dokya per pifu. Pimpan, kroa hare kolor de jowey celki xikaryen no abil na oko kroa. Fe ban mara, kroa hare day okoible kolor celki xikaryen fikir ki kroa sen dokyapul.

Konduta

Jiwacuki

Umumi, kroa plasi sesu ovo in sui. Xafe na exidi ovo, bebe kroa okocu junikroa hu da sen bol ton lungo koda. Junikroa sencu kroa (har figura fe kroa) yon proceso hu da name figuraalocu.