Globasawiki

Totalglobali Deklaradoku tem Insanli Haki: Difference between revisions

Sayfa Diskusi

Totalglobali Deklaradoku tem Insanli Haki (view source)

Revision as of 21:43, 22 March 2021

23 bytes added ,  3 years ago
→‎Lista fe mono
No edit summary
Line 64:
:# Moyte haki na rol in [[krasi]] sesu dexa, oro jinji or har hurumo seletido wakilyen.
:# Moyte haki egal celidi demoli servi in sesu dexa.
:# Wole de demo am is basi de awtorita de krasitim; hin wole am bevyata har watumonli ji awtenti tupyoli seleti kutohu da am okur har moyli ji egal tupyoli haki, ji har sirili tupyo or egaljacipul proceso fe huru tupyo.
* Mono 22
:: Moyte, kupuldenpul kom membro de sosyaltim, haki sosyal anjenya ji, har nasyonli juhudi ji intrenasyonli tonaksyon ji fe dongi ton organisa ji resurso de moy nasyon, moyte haki pia realgi den ekonomili, sosyal ji kulturali haki kutohu da beharemus cel tesu sungen ji cel huru evolu tesu personya.
* Mono 23
:# Moyte haki ergo, huru seleti sesu ergoxey, adil ji propul ergoli halu ji pia garde anti walergo.
:# Moyte, wal he ban diskrimin, haki egal paya por egal ergo.
:# Moyte kutehu da ergo haki adil ji propul bocan kutohu da am yakingi, tas seli te ji tesu famil, sonzay kutohu da laye fe insanli sungen, ji kutohu da am bebucun, fol haja, alo resurso fe sosyal garde.
:# Moyte haki na organisa ji na membrocu in [[ergoli asosyatim]] cel na garde sesu muhimxey.
* Mono 24
:: Moyte haki rahatu ji [[huru watu]], fe inklusi fe rasonapul limitexey fe ergoli satu ji watumonli jaxneli dina ton paya.
* Mono 25
:# Moyte haki jiwali jotay kutohu da kufi cel sehaya ji bonjotay de seli te ji de tesu famil, fe inklusi fe yengyan, lebas, ogardom, medicili jawgu ji hajado sosyal servi. Moyte haki pia anjenya fe okur fe walergo, bimarya, walabil, gwafuya, lawoya or alo sonxi fe jiwali resurso kos halu ex sesu kowa.
:# Matreya ji niniya hakigi espesyal jawgu ji sahay. Moy nini, kama ete xencu in kam ex gamiya, am taslum sama sosyal garde.
* Mono 26
:# Moyte haki [[eskolya]]. Eskolya am kimakal, minimum fe genoli ji basili fase. Genoli eskolya am okurmus. Teknikali ji profesyonli eskolya am umumimo hareble, ji maxmo gao eskolya egalmo hareble tas moyte fol layeya.
:# Eskolya am cele na pule evolu insanli personya ji na balagi ehtiram insanli haki ji basili huruya. To am xunjangi aham, tahamul ji dosteya intre moy nasyon, rasali ji dinili grupo, ji am frongi aksyon fal Uncudo Nasyonlar pro hifazi xanti.
:# Atre haki fe unyum turno na seleti tipo fe eskolya kutohu da am begibe tas tesu bete.
* Mono 27
:# Moyte haki na huru rol in kulturali jiwa de komuntim, na furaha [[arte]] ji na rol in syensili frongi ji tosu fayda.
:# Moyte haki garde doduli ji materyal muhimxey kutohu da resulta of he ban syensili, literaturli or arteli produsi el kutohu te le krea da.
* Mono 28
:: Moyte haki sosyal ji intrenasyonli ordenu hu in kutoda haki ji huruya kutohu da bedingya in hin deklara abil na pule berealgi.
* Mono 29
:# Moyte hare musi tas komuntim, hu sol in kutoda te abil na huru ji pule evolu sesu personya.
:# Fe aplika fe sesu haki ji huruya, moyte am bebaxplasi sol fe den limitexey kutohu da legali beestabli sol har cele na yakingi ingaypul swikara ji ehtiram haki ji huruya de alote ji na trutigi adil xucyo fe dodu, demoli ordenu ji umumi bonjiwa in demokrasli sosyaltim.
:# Hin plu haki ji huruya fe nil kaso aplikable antipul fe cele ji principi de Uncudo Nasyonlar.
* Mono 30
:: Nilto in hin deklara am betafasir kupuldenpul kom implika ki he ban nasyon, grupo or person hare he ban haki na rol fe he ban aksyonya or na okurgi he ban fale kutohu da cele na destrui he banto of haki ji huruya kutohu da bedingya in hinto.
 
== Ofatalar ==
Retrieved from "https://wiki.globasa.net/wiki/Special:MobileDiff/1061"