Usali alokrasi
Jange de usali alokrasi sen jange le bejento intre Daybriti ji des tiga aselli koloni cel utarali Amerika fe nyan 1775 cel 1783. Day mon of jento le sen cel utarali Amerika. Daygeoli askeri of moy panlanyen le belide fal Jorj Waxington (anglisa George Washington) ton sahay de Franse ji Espani. Ete le xekaste britili askeri.
Xafe hin jange, des tiga koloni sencu ikawkal, hu da mena ki britili imperi no krasi ete. Ete sencu des tiga estato de neo nasyon, hu ete namegi da "Uncudo plu eStato de Amerika" (Usa).
Lefe hin jange le le hoy jange anti plu franseyen ji ofaselliyen cel utarali Amerika. Briti xorwala multi pesa, fe folo ete swe koloniyen cel na cudu to ripul. Ete fare lega ton name "Marka aksyon". Hinto mena ki koloniyen musi na kari marka cel na kari paper, gazeta, ji hata yuxili karta, kom britiyen le le kari. Ban koloni posswikara na fare, hu wangu vole da. Briti irsal multi askeriyen, fal koloniyen namedo "roso kotu", cel na krasi moy koloni, ji jange xoru.
Fe xoru, britili askeliyen ton askeliyen of Hesse, un mon de Doyci, bujo dua xaher Neo York ji Philadephia. Multi jangemon gibe lil triunfa tas moydua askeli. Finili day jento le sen fe nyan 1781 ner xaher Yorktown, denloka hu Briti teslimu tas Usa. Paper tem dongwi, "Dongwi de Paris", besayni fe nyan 1783.
Asel
Hin makale sen bageli basatayti of simple.wikipedia.org/wiki/American_Revolutionary_War.