Alpaka

From Globasawiki
Dua alpaka leta per geo.

Alpaka sen mamoyen hu da naturali jiwa per bage fe jabal Andes (in Sudeli Amerika).

Alpaka hare care lungo tui ji un lungo gardan. Alpaka sen in famil de gamel. Ner familyen de alpaka sen lyama.

Ren pimpan malnamegi alpaka yon lyama. Alpaka sen daymo maxmo lil ji daymo minmo wajenpul kom lyama. Alpaka hare maxmo mote yomo, tesu nasa sen maxmo pangu, ji tesu ore sen maxmo kurto.

Alpaka naturali jiwa per jabal intre 3 500 ji 5 000 metro supra daybahari daraje. Alpaka yam gras.

Alpaka sen sosyal hewan. Te komunika ton alo alpaka yon jismuli basa. Alpaka fe ban mara tuko cel na onexa supraya tas alo te.

Alpaka sen posyesengi fal insan. Insan le seleti alpaka cel na yongu tesu yomo. Doyan labas befale yon fibra de alpaka. Poskom alpaka, lyama le beseleti no cel yomo, mas cel na ergo (fe misal cel na trasporta banto).