Axolotle

Axolotle fe juni figura in suiogar.

Axolotle (Ambystoma mexicanum) sen salamandra. Fe folo, axolotle sen duabioyen. Sim kom alo duabioyen, axolotle hare iji juni figura cel na jiwa in sui, ji figura cel na jiwa per geo.

Mas poskom umumi duabioyen, axolotle no haja na dadal geoli figura cel na fale bebe. Axolotle naturali no dadal geoli figura. Mas, ren abil na alofiguragi axolotle yon na injeksi yodin.

In natura, axolotle jiwa in xosu hosu in Mexiko. Mas axolotle kriban no haji jiwa in natura koski insan le minusgi sui, ji insan le kontamina sui, ji insan le lilgi hosu.

Maxori axolotle no jiwa in natura, mas in suiogar in insanli baytu. Syensiyen le multi plugi axolotle in syensidom cel na reserci tem abilya de axolotle fe na rikrea multi mon de tesu jismu.