Daoismo

From Globasawiki
Tao.svg

Daoismo sen tipo fe imanu or metode fe fikir tem jiwa. To sen lama fe minimum 2500 nyan ofya Cungwo. Daoismo, fe nunya, bename sofilogi. Dao sen name de kowa or "maner" hu Daoista imanu ki monkrea moyto in globa. Daoista imanu ki lexi no abil na beyongu cel na sahi tosifu Dao. He unyum linea de Daodejing, maxim muhim texto in Daoismo, abil na betrasbasa "Dao namegido Dao no sen finikal Dao." or "Dao vyataible yon lexi no sen sati Dao" Hay multi alo santo eskrixey fal alimyen fe Daoismo.

Fe tayti fe pasa multi watu cel na xidu na xomin ku Dao sen keto, Daoista fokus tas na jiwa jandan ji egalwajendo jiwa in armoni ton natura. Hinto sen un to of maxim muhim principi in Daoismo. Daoista pia imanu ki konflito no sen bon ji ki eger yu hare problema tem banto, na ewreka dao wey to sen maxmo bon.

Histori

Daoismo xorata in eskri in Cungwo lefe daju 2500 nyan. Insan no moywatu eskri tem sesu dini fe xoru, fe folo hin dini ible sen daymaxmo lama. Bannumer muhim insan in histori fe Daoismo sen:

  • Lawdzi or Lao Dzi (老子). Jadindo, te le eskri Daodejing.
  • Jwangdzi or Jwang Dzi (庄子). Kom Lawdzi, tesu pala ji hikaye fe nunli din betongi in kitabu, ji trasbasado cel in Englisa ji alo basa.
  • Hwangdi (Jalo Imperikef, 黄帝). Jadindo, te le sen unyum Daoista, mas nilte sen totalyakin kama te si sen real person kam no.

Imanu ji pratika

Daoista imanu ki cuyo principi fe asel de kosmo sen sirili kowa namegido Dao. Dao abil na maxim bon betosifu kom kaosli kowa de realya hu kosa ki alocu okur ji xey sen in globa har noro hoyo nor nyatu. Benji de Dao bepersongi in natura, hu in da moy aksyon okur nenhar he ban tipo fe mena, mas to sol sen lyudon fe alocu ji energi.

Daoista imanu ki maxim bon jiwado sen jiwa tras principi fe Wuwey trasbasaible kom "aksyonkalya" or "suprajuhudikalya". Idey fe Wuwey jeni ki ren am noro rupel nor tahamul anti he banto hu da okur in jiwa, ji ki ren am resta to ji swikara tosu presentiya. Wuwey alim hinto koski to folo idey hu dento hu da okur sol sen den naturali to, kostruine cel per principi fe Dao.

Simbolo Yinyang, xohrapul simbolo fe Taoism, inhare idey hu ren musi na sen in armoni intre dua antiyane kowa in rensu jiwa ji na resta newtral fe he ban comen.

Hay bannumer alo tipo fe Daoismo, bannumer to hu da tongi principi de Laozi ji cwentonli Cungwoli teoibada, or bannumer to hu da max preciso folo aselli principi ji imanu sol konceto fe Dao ji Wuwey.