Super Smash Bros. (serye)

From Globasawiki

Super Smash Bros. sen serye de videoyuxi fal firma Nintendo.

Fe videoyuxi, moyun yuxiyen yongu person of videoyuxi (kom Mario or Pikachu of Pokémon). Person musi na jento anti alo person cel na sokutugi te of sahnidom. Cel to, moyun person hare doyan atake har doyan efeto.

Super Smash Bros. sen jentovideoyuxi. Yuxiyen yuxi anti alo yuxiyen cel na xorjixi ku kete sen maxmo bon fe hin yuxi. Ren musi na pifu alo person yon atake ji ren musi na no pifucu fal atake de alo person.

Maxim jentovideoyuxi hare sehayanumer (Englisali Health Points) cel na okogi numer fe atake hu person abil na taslum da lefe na postriunfa. Mas fe Super Smash Bros., ofcen fe sungay beyongu fe tayti. Eger person taslum atake, hin person taslum max ofcen fe sungay. Max ofcen fe sungay mena ki person bepel maxmo teli denwatu hu hin person taslum atake, ji fe folo, to mena ki person maxmo asan abil na sokutu of sahnidom (postriunfa).

Maxori seletiible videoyuxi ofata videoyuxi de Nintendo, mas xorfe Super Smash Bros. Brawl, alo person de alo videoyuxikreayen sen seletiible (kom person Sonic de videoyuxikreayen Sega).

Videoyuxi

Retrieved from "https://wiki.globasa.net/wiki/Super_Smash_Bros._(serye)?oldid=2468"