Xahumatu
Xahumatu sen klasiko yuxi estrategi. Estandardo xahumatu beyuxi dua insan.
Histori
Jaldi histori
To beimanu, ki atre de xahumatu le evolu in daylama Barati. To discu cel Parsi lefe nyan -600. Fe nyan 65, Parsi beinvasi Kalifdom Raxidun. Hinwatu, insan pimpan xoru na pala «Shāh» xafe na xahu wangu de antiyen, ji na pala «Shāh māt» xafe na matu wangu de antiyen. Hin loga sen asel de maxori loga cel hinoto fe alo basa, fe inkludi fe lexi Globasa «xahu» ji «matu».
Discu cel Ewropa
Leki xahumatu beingida cel Ewropa, to jula discu cel Rusi, Mongoli, ji Ityopi. Xahumatu discu cel Ewropa yon plu maner. Lefe nyan 1000, to sen in maxori Ewropa. To hanman evolu finfe 19yum cennyan, hu in da beresmigi cel regula hu da sen sim kom regula hu da nun sen.
Xahutahta
To sen beyuxi yon murabali tahta, hu da bedisbage cel oco letaliente, ji oco estayliente. Muraba xugwanpul bealoyagi dama-motif, hu da xoru har un sefide muraba fe suo kapi.
Harkagrupo
Xahumatu hare 6 tipo xahuixu, hu da hare aloyane harkagrupo.
Pyon
Pyon abil harka un muraba cel super, or 2 muraba fe tosu 1yum harka. To abil yam xahuixu fe muraba hu da cel super ji suoya, or infer ji kananya.
Fe pasa
Fe pasa (Fransesa ji Englisa: En passant) sen harka de pyon. To abil beyuxi eger:
- Yamne pyon sen syahe ji fe 3yum letaliente, or yamne pyon sen sefide ji fe 5yum letaliente
- Antiyen le harka tesu pyon hu da sen fe jali estayliente kom rensu pyon 2 muraba.
Eger hin xarti bedadal, yamne pyon abil yam pyon de antiyen kwas te harka 1 muraba.
Fe demoli kultura
Fe pasa sen pimpan tema humor fe komuntim xahumatu, fe espesyalya fe Baxreddit r/AnarchyChess (Globasa: NenkrasiismoliXahumatu), ji sim kom Baxreddit.
Towa
Towa abil harka jinji cel super, suoya, infer, or kananya. To abil harka he ban numer fe muraba, mas to musi esto eger to yam xahuixu, or eger na harka, to ger side per alo xahuixu de sama kolor.
Elefan
Elefan abil harka sim kom towa, mas rotado 45 daraje. To abil harka cel super ji suoya, super ji kananya, infer ji suoya, or infer ji kananya. To abil harka he ban numer fe muraba fe den 4 hoyo, yon sama regula kom towa.
Waziri
Waziri abil harka sim kom Towa iji Elefan, fe 8 hoyo.
Uma
Uma abil harka 2 muraba fe he ban hoyo, ji 1 muraba fe hoyo hu da sen ortogonoli kom to. Koski to sen posahamgine, imaje begibe.
Wangu
Wangu abil harka cel he ban 8 jali muraba. To no abil harka cel maraba hu in da to ger bexahu, ji to no abil resta fe maraba hu in da to ger bexahu. Eger wangu hare nil harka ji bexahu, To sen matu ji matune insan triunfa.
Gallery
-
Pyon
-
Towa
-
Elefan
-
Waziri
-
Wangu
