Axolotle

Axolotle fe juni figura in suiogar.

Axolotle (Ambystoma mexicanum) sen salamandra. Fe folo, axolotle sen duabioyen. Sim kom alo duabioyen, axolotle hare iji juni forma cel na jiwa in sui, ji forma cel na jiwa per geo.

Mas poskom umumi duabioyen, axolotle no haja na dadal geoli forma cel na riproduti. Axolotle naturali no dadal geoli forma. Mas, ren abil na aloforma axolotle yon na injeksi yodin.

In natura, axolotle ogar in xosu hosu in Mexiko. Mas axolotle kriban no haji jiwa in natura koski insan le minusgi ji kontamina sui, ji ete le lilgi hosu.

Maxori axolotle no jiwa in natura, mas in suiogar in insanli baytu. Syensiyen le multi plugi axolotle in syensidom cel na reserci tem abilya de axolotle fe na rikrea multi mon de tesu jismu.