Burkina

Burkina Burkina Faso
Bandera Dalutul
Cuyoxaher	Wagadugu
Demoje	20 835 401
Resmi basa	Fransesa

Burkina (Fransesa: Burkina Faso) sen dexa in garebi de Afrika. Burkina le ikawkalcu of Franse fe 5 de mesi 8, 1960. To hare hin name xorfe 1984.

Leli presidiyen Blaise Compaoré le exergocu xafe protesta fe mesi 10, 2014. Xorfe tupyoya fe mesi 11, 2015 Roch Marc Christian Kaboré sen presidiyen. Te beriseleti fe 2020.

Geografi

Burkina sen dexa nenhar kosta. Tosu peryaje sen 274 200 km². Of hinto, sui koberi 400 km². Hay sisa jali dexa wey Burkina. In utara ji utarali garebi hay Mali (1 325 km fe dexabyen), in dongu hay Nijer (622 km), in sudeli dongu hay Benin (386 km), in sude hay Togo (131 km) ji Gana (602 km) ji in garebili sude hay Kotivwar (545 km).

Hay tiga klimali zona xorfe utara finfe sude. Utarali zona sen lil suhegeoli zona. Maxim gao loka sen jabal Tena Kourou fe 749 m.

Ogartim maxori ogar in centro ji sude. Kriban un oftiga fe ogartim ogar in xaher. Cuyoxaher ji maxim day xaher sen Wagadugu. Tosu demoje sen 1.8 mega.

Barixkalya ji suhegeocu efeto nongyo.

Demo

Max te kom 65% fe ogartim sen minmo lao kom 25 nyan. Demoje nyanli xunjan fe 3%.

Krasi

Burkina sen presidiyenli jumhuri. Nasyonli jaxnedin sen 11 de mesi 12. To name "jumhuridin".

Christophe Dabiré sen krasikef xorfe 24 de mesi 1, 2019.

Mambalari

• Africa :: Burkina Faso – The World Factbook fe cia.gov (in Englisa)