Togo

From Wiki fe Globasa
Jump to navigation Jump to search
Togoli Jumhuri
Republique Togolaise
Flag of Togo.svg
Bandera
Coat of arms of Togo.svg
Dalutul
Togo (Afrika fe centra).svg
Cuyoxaher Lome
Demoje 8 608 444
Resmi basa Fransesa

Togo, or Togoli Jumhuri (Fransesa: Republique Togolaise) fol resmi name, sen dexa in garebili Afrika.

Xorfe cennyan 11 finfe 16 doyan etnotim le xorogar in hin zona. Xorfe cennyan 16 finfe 18 kostali zona le sen centro de gulamli xogyo. Xorfe 1884 Doyci le krasi hin zona. Xafe Globajange Un, Franse le cudu krasi fe Togo. Togo le ikawkalcu fe 1960.

Jangetimli krasikef Gnassingbé Eyadéma le bawlupul krasi Togo dur kriban 40 nyan xorfe 1967. Tesu bete Faure Gnassingbé le sencu presidiyen xafe Eyadéma su morcu fe mesi 2, 2005. Jangetim le sahay te ji to posjui krasidoku.

Geografi

Togo sen dexa in garebili Afrika. Tosu peryaje sen 56 785 km². Of hinto, 2 400 km² bekoberi sui. Hay tiga jali dexa wey Togo. In garebi hay Gana (1098 km fe dexabyen), in utara hay Burkina (131 km) ji in dongu hay Benin (651 km). In sude hay Bahari Atlantiko. Kosta sen lungo fe 56 km.

Maxim gao loka sen Mont Agou fe 986 m. Demo maxori ogar in sude ner fe Atlantikoli kosta.

Demo

Demoje sen 8 608 444 (dajuya fe 2020). Hay daju 37 etnotim in Togo. Fransesa sen resmi basa in Togo. Dua denlokali basa of sude sen nasyonli basa. Dini de 43.7% fe demoje sen Kristoismo.

Ren dajuya ki demoje de Togo fe 2010 le sen careplemo day kom fe 1960. Kriban 60% fe demoje sen minmo lao kom 25 nyan. 42.8% le ogar in xaher fe 2020.

Krasi

Togo sen presidiyenli jumhuri. To le ikawkalcu of Franse fe 27 de mesi 4, 1960. Hin din sen nasyonli jaxnedin. To name "Nenikawdin".

Presidiyen Faure Gnassingbé sen dexakef xorfe 4 de mesi 5, 2005. Victoire Tomegah Dogbé sen krasikef xorfe 28 de mesi 9, 2020.

Demo seleti Presidiyen yon tupyoya. Jandan maxoriya sen kufi cel na triunfa. Tupyoya beorganisa fe moy lima nyan.

Ofatalari


Dexa in Afrika
AngolaBeninBotswanaBrazavilkongoBurkinaCadiCentrali AfrikaEkwatorali GineEritraGabonGambiGanaGineGine-BisawItyopiJazairJibutiKaboverdeKamerunKenyaKomoriKinxasakongoKotivwarLesotoLiberiLibiMadagaskarMagribiMalawiMaliMasriMawrisMozambikiMuritaniNamibiNayjeriNijerRundiRwandaSan Tome ji PrinsipeSeycelSenegalSyeraleonSomaliSudanSudeli AfrikaSudeli SudanSwatiniTanzaniTogoTunisiUgandaZambiZimbabwe