Kargux
Kargux sen hewan in grupo fe jongu Leporidae.
Hay plu jongu fe kargux. Hin maxim pimpan ji konedo jongu sen Oryctolagus cuniculus (Baytuli kargux). Baytuli kargux sen ogarhewan ji te hare max kom 300 tipo kos seletili riproduti fal insan.
Loka fe jiwa
Kargux sen lil mamoyen. Ete ogar goyu in geo hu ete goyu da. Kargux sen plantayamyen. Ete sen daymo velosi cel na awpawbu doyan xikaryen denpul kom rubahe.
Kargux aselli ogar moy daygeo minus Antartiko ji Awstralia. Denwatu hu insan le tonporta kargux cel Awstralia, kargux le firaru, ete le velosi riproduti, ji ete sencu invasili jongu. Ete le multi sungay natura jowey de Awstralia.
Gwanxi ton insan
Kargux abil na kosa multi sungay tas nongyo. Kos to, kargux le multi bexikar insanli xikaryen.
Xorfe longu watu, insan kafas kargux ji riproduti ete cel na yam maso de ete. Belo de kargux pia beyongu cel na krea labas.
Kultura
In Kristoista kultura (Kristoismo), in rujiwasoladin, kargux preporta ovo tas bete. Kargux ji ovo fe cokolate pimpan beyam fe hin din.