Kultura
Kultura sen lexi cel 'jiwadao' de grupo fe insan, to sen, maner hu ete fale xey. Alo grupo ible hare alo kultura. Kultura gibe tas jaxali generasi yon xwexi, nenyon genicudu. Kultura beoko in eskri, dini, musika, labas, koki de demo, ji dento hu ete fale da.
Konceto fe kultura sen daymo fuza, ji hin lexi hare multi mena. Lexi 'kultura' maxim pimpan beyongu fol tiga maner.
- Daybon ijen tem meliarte ji insanli logilari
- Disgido motif fe jixi, imanu, ji konduta de insan
- Onxala, taydu, jaci, dodu, cele, ji xugwan tonharedo fal sosyaltim
Maxim umumi, 'kultura' inkludi moy insanli okur hu da no sen sol resulta kos insanli geni.
Nasyonli kultura
Kultura sen dento hu kos da, dexa sen solunpul ji interesne. Moy dexa hare alo kulturali aksyon ji merasem. Kultura inkludi maderili xey, dento hu insan yongu ji produti. Kultura pia sen imanu ji jaci de demo ji maner hu ete temfikir ji aham globa ji sesu jiwa.
Alo dexa hare alo kultura. Fe misal, bannumer maxmo lao Niponyen labas kimono, ordenu flura in flurahole, ji mehmangi caymerasem. Bannumer dexa antiya banoto in sesu kultura, kom diskrimina or dini.
Zonali or nenzonali kultura
Kulutra pia abil na aloya in zona, sosyaltim, or baxgrupo. Ban ergodom ible hare especifi kultura hu da julagi to of sim ergodom. Ban zona in dexa ible hare kultura alo kom resta of dexa. Fe misal, in day dexa kom Cungwo or Kanada, zona ible hare mingumo alo basamon, alo tipo fe musika, ji alo tipo fe danse.
Grupo hu da alopul aksyon or pala ible bekolyo baxkultura.