Komunika

From Globasawiki
Insan abil na komunika jinji or yon teknoxey. Problema abil na okur dur komunika ji no moy informe betaslum.

Komunika sen irsal ji taslum fe informe.

Multi to ji te komunika. Hewan (kom piu or insan) komunika cel na diskonegi informe cel na maxmo bon ultrajiwa or plucu. Bante abil na komunika loka hu ren abil na yam fe da. Komunika sen daymo muhim in sosyaltim. Bante hu da maxmo bon komunika abil na dadal max xey of alote kom xohra or pesa.

Maner fe komunika offolo ku kete komunika ton kete/keto, ji ku kemaner komunika okur. Denwatu hu hewan komunika ton alo hewan, dento pinpam name basa. Denwatu hu insan komunika cel komputatora (cel na krea programa), dento pinpam name programa. Denwatu hu komputatora komunika ton alo komputatora, dento pimpan name (komputatorali) komunikakodi.

Insan cuyo komunika ton alote yon basa. Komunika abil na sen yon palado lexi or yon ixara (kom fe ixarabasa). Informe in palado or ixarado basa velosi awcu, fe folo, informe pimpan beeskri fe textoli doku or grafido fe komputatorali faylu.

Cel na maxmo velosi komunika ton maxmo insan, intreneto pimpan beyongu. Intreneto sen neto denwatu hu multi komputatora (servitul) soho komunika. Intreneto hare multi netodom denloka hu yonguyen abil na ewreka multi informe. Yon intreneto, yonguyen pia abil na irsal netoposta tas alo yonguyen or na eskri mesaje in sosyal netodom.