Piu

From Globasawiki
Doyan jongu fe piu.

Piu sen grupo fe daymulti jongu fe hewan.

Piu hare yumaw. Yumaw sen nenwajenpul, narem ji hare day perya. Yumaw beyongu cel na fley or cel na maxmo velosi pawbu. Mas no moy piu abil na fley or na pawbu.

Piu daypimpan hare conce. Conce sen tul de piu, ji figura de conce abil na jixigi denmaner hu piu yongu to. Figura cuyo offolo yam de jongu fe piu.

Multi piu abil na suyon.

Koncun ji mahi pimpan beyam piu.

Piu ogar fe moy loka per globa denloka hu hay geo.

Yongu fe piu fal insan

Insan hifazi ji plugi multi kuku cel na xuha ovo or maso.

Kwake pimpan beyongu cel maso or cel na yam halazun hu da abil na yam planta fe jarden or nongyodom de insan.

Kabutar le beyongu cel na irsal mesaje of person tas alo person. Fe nunya, ren pimpan abil na oko kabutar in xaher de insan.

Lista